Monday, January 21, 2008

Zouta Lung kingui sah hi, Zogam Ziilbang liing e...

By: Mangmin Munluo

Tai khua a hing vah ta,a mijatam in a niteng sepding uh sem un,khen khat te khualjinding inhing kisa u hi.Behiang gari(truck)del in behiang kim ah asuhdel,toudelh, leh pheidel in a ki teh ta u hi.Khenkhat bang a tate'n ka vengvong pawl um hi.tuachin a nu'n bang a gen ei,boi kang tung chiang in nehthei hing puah vang o,a ta top ta hi,gari tai ta .Sehken (near Behiang)ah nupa ni a ta te'n ka kia u hi.A tate a u ten man in,anu apa jong gari hing tai san va chi jau man in a kal pei ta u hi.

Tua khual jin ding teng ahi leh a nupa pa ua a hol hal te pou uh lamka ah jua a nehding neng them lei ding toh a huan a jua thei umsun(jongta, sing,mai etc)khon vevo un jua som leh thil tuam toh kisai a jin som ngen ahi u hi.tua seh ken te lei toh koi khat chou a ki hal a hi u hi.Tua sehken te nupa jong a ta te uh kana mittui val kom in gari tung ah tuang ngia ngua u hi.aw leh a lei a tung un a ma uh ging tat bang lou leh nidang bang lou in a LEIH hing tan in a Gari ki khu le in a pessenger tam pi avan puah teng toh a nen suh thop hi. Pasal khen khat anua lang a tuang te ki lengkhe man toh ki teh hi.Tua hun lai tah in ka leh mau na ngen in dim hi.Tuachin a mun ah mi16 si pei ngal u hi.a HANDIMAN pa jong lung am in peideng dong a sialsi te,n lamdang sa in adoh u leh tuasia ung teng chou chi in BEHIANG lang juan in pei bebu hi.Tuachin sialsi ten loudspeaker in ki kou ngal ua a khua kim teng in del ngal u hi.Tua leh a accident na gei ua na sem ten a thom uh(nu aw,a na ei na ei) ja un del pai u hi.Tuchin sehken te khua nai pen(koi khat chou a gei vot)chin va koi ngal u hi.tua chin a u ten a nau pa uh he nem jou nai lou a nuleh pa luang hing ki pohta hi,a mau u

Singngat ah sepaih doctor te'n bang bang e toh bol kia un tua chin sepaih te veng na toh lamka lang ah pua suh in um u hi.Handiman pan sepaih te kuah a gen in,sepaih te'n a hq, uh singngat ah message pe pai ngal ua,singngat a ten lamka DC kuah leh BSF KUAH LEH MLA PA KUAH PIA LEH AIR MANIPUR te kung ah hah suh u hi.RADIO (Hmar,Thadou program ten jong) phuang pai uhi. Behiang tung L kannan khogam la sim te'n jong misi nei di u hia radio a pa'n na thei pan u hi.tua chin singngat a hing tung un sepaih kem ah mipi'n del ngal ua(nupi,papi, nungah,tangval) in koi sepaih kem chi um lou gate keeper te'n jong dang jou lou in lut thep thup u hi.CO pa jong buai in mipi te hing pot sah u hi.mipite'n jong bol thei um nai sih ma ei loi a din chi'n ki pot khia hi.sepaih ten jong lamka lang ah pei suh sah ta u hi.tua jou in sepaih sap pa,n mi 24 liam in tua lah ah mi 6 ngimma ma hi chi'n mipi te hil in thum na ah thei vai chi hi.tua jou in tua 3 hing si teng singngat YPA,SYC(ZYO) te kung ah hing pekhia in, a ma un jong behiang ah thah suh u hi. Tua a si teng,BEHIANG ah 2,TONGJANGah 3,L KANNAN AH 2,BEHIANG TUNG 3,KHENMAN AH 3,SEHKEN AH 2,MUALLUM AH 1,LAMKA 2(kamdou veng & colony)

LAMKA ah a jah un,lamka khopi a ling suh a ngui suh mai hi.tuachin koi ma gen lou in dawl kot teng ki kha tou in hospital lang ngen del u hi.hospital ah mi dim vot hi.a liam te a tung suh un doctor te'n enkol ngal u hi.tua lah ah sisan piah ngai pol a um hi huchin mipin jong ki volounter in ken tho vang chi dim mai hi.tua te record a bol u leh mizo,hmar tam pen hi,jum huai hi lou' ei zou te bang chi i hi huai.ki ngai nat na tom na lai mo.lushei nu pi hmarnupi leh a dang dang te'n jong a liam ten puan hing po ;lou ding uh a hi chiah chin kei a sil un chin tho khe jung jung u hi.puan jong a hom uh leh a liam ten a inn ua a nei sang un tam jo pha hi.lungdam huai mo.Tua chin philantrophic organijation ki gom khom ten.a si te a ding han kuang bol man ua a si te a khua chiat ua ki thah ta chi thu a ja un khol pan u hi.hospital a khat si in khat chou jang man u hi.a ma un 4 bol man u hi.tuachin DC pan jong jing chiah misi te a khua khua ua postmorton bawl ding medical te thupia hi.medical ten jong jing chiang hospital close ding chin phuang ngal u hi.

MLA(bial mla) pu jong a jah jah in hospital del ngal in a liam hing ki po ding te ngah top hi.MLA pan press te kung ah a gen dan in.tua ngasuan lei pen1997 a pat manipur government in apua non lou ahi.a bial mipi ten tua a ma kung ah a nget un a man jong a mipi te dei na bang in ama pocket's a pan rs20,000 soh khia in Behiang kual UZO president khut a pe khia hi.Singngat ah misi liam teng thah din upa ten thumna toh hing hah un ki tai pi in behiang tung un misi3 teng ka koi un a a upa tehsia chi vel um in singngat te,n jong khat pen behiang tung(km 5vel) te a khua ua behiang jang a pat thagum ki po ta hi.ajan ajan in ki puah in 11:pm in ki tung in,singngat te'n jong ama uh puah pen chou a sah u leh 3 Behiang ten na koi man in a po te lungsim jong ngui na ngen in dim hi.kou puah toh luang 4 pha hi,a ka in ang na ka u hi.tua chin a upa pa un lamkai te kuah kou khua ta ga inn 16 vel chou in tam teng bang ka chi vui di uh e.hingpan pi un chin hing ngen u hi.tuachin lam kai te jong gari te toh ki hou sa inn lang te toh hingpei pai di chia ki housa hi ma nan u leh jong.kou singngat ypa,syc(zou) te gen thei te pan pi di ka hi uh chin ang nget na uh ka pom piah un ka jaan hah pi un.haan ka toh piah un ka vui piah ta u hi.h teng jong kahkom un boh ngal u hi.Handdiman pa'n Behiang a sepaih te va hil hi.sepaih te jong a kin thei bang in del pei ngal ua first aid toh bol in a liam teng singngat lang ah hing pua ua khat luigal a tung un si kia a lakhe pei u hi.tua chin singngat toh kikal ah thum si kia u hi.

Hi chi bang i gam a atung pat masah na a hi jiah in koi ta pou lung a khoi hi.MLA pu in sangkhat leh puan khat chiat toh gal a,DC pu in jong luang man govt in pan pi ding chi gen hi.mun tuam tuam ah zota te'n jong galna hah bol mama u hi.a tate uh ka tam loh ngaingam a hi sih.

Friday, January 11, 2008

UZO in Delhi tual ah UPA Sual:

UZO lamkaite delimitation toh kisai Delhi zinna
Hausienmuan Munluo

Indhira gandhi international Airport Palam Delhi ah nitah lang nai 7:45pm ding vel in, mipi buai zeng zung kal lah kolvom te mesi bang a abuailai un Indo-tibetan mi pawl khat banner lianpi ta in a nampuan te uh toh kizem in ngahnu etlawm tah minga ten pavui tawi in koi e lamdawn din hingki huai tuam ua, tuachi hunlai in coat naltah tah a kizem minga hing tung in pakhi aw sahna nei ngal uhi. Tam zou in lanal tah leh gim nei tah zan nuai ah sah in um a, agei a um kol ten lamdang leh thupi mama sa in hing imm kimkot ua hamlou phun lou in hing en uhi. Tam bang a kipi bawlna IGI airport ah na um tam nai be lou himaithei kagei a Hyatt Hotel a sem midawn a um kol khat in “Nou bang gam na hi uai na koi uh hing pei ding e..?” chi`n hing dong a ken zong “ We are from zogam, our president is coming….” Chin ka dawng hi. Tam bang dang hilou in UZO inampi lamkaite Delhi tualpi a galsat ding a hing kuante lamdawn na ahi.

January 9, 2008 nai 07:47pm ahia, inam lamkaite Airport a a'ng pawt tah un "Zo nampi lamkaite aw, na vonnoute un Delhi tuolpi ah numnuom lambang a'ng na vaitun ung" chi kigelna diellap khaisang in um a, airport a mi namchin umte'n lamdang sa in en kheukhou uhi.
Lamkaite pahvui awsahna ki nei a, tuozaw in khut-le-khut kitu in Zo Nam Lapi “Sem gua gin ngai…” sahna kinei duom duom hi.

Airport a vaiguon tomkim kinei a, Rev. GK Samte in thumna anei zaw in, A zintunna mun ding uh zuon in kizui tou datdat kia hi.
A zintunna mun uh International Youth Centre, Chanakyapuri ah mipi'n va kitunpi a, tuona niengtui dawnna leh thu tom nounou genna ki ngaikhie hi.
Lamkai hing zinte:
Pu Chinzakhup - President, UZO Gen. Hd. Qtr.
Pu Suonkhanmang - Vice President, UZO Gen. Hd. Qtr.
Pu Thangzamang - Joint Secretary, UZO Gen. Hd. Qtr.
Pu Khamchinthang - Treasurer, UZO Gen. Hd. Qtr.
Pu Ginsuonhau – Member

International youth centre zuan a lamkaite toh Bus(manipur a buste bang hilou) sung a akituang lai in Nh. Margrate in Bus hepa(Driver) kung ah laha din ngen hi, tam bang a bus sung a awl awl a kithoi ahilai in ngaivoi “Lungzau sin pasian in hing pui ding…” chila ahing kisa khe keuh keuh ta mai a I nampi lamkaite genlou michin lung hingkhoi in I nam itt na hing kuang hi. Nam itt na zal a hing kalsuante mel a et lawm mai… Hinanleh maban ding a lung ziin huai hi.

Tam UZO in Delhi a UPA solkar a hing tualsual na bangma dang ahi sih hi, August tarik khat (1.8.) 2007 ni a Manipur lagislative assembly in athupuasah uh deilou leh nang na ahi, tam bang in a resolution uh kigel hi.

RESOLUTION PASSED BY MANIPUR LEGISLATIVE ASSEMBLY
Subject Matter: Delimitation of Constituencies
Adopted: 1.8.2007

1. Manipur a census tha(fresh census) pat thei na ding a 2001 census cancelled ding..
2. Adang dang….

Tam bang a state solkar in avaihawmna in ei zou sung ( I nei uh singngat A/c) genlou,singtangmi teng lunglou lam tah hikha in pawl chin in nang na nei hi. Tam bang delimitation a um akhat veina hisih a theipha tan in Manipur ah khatvei na um tahi, Parliamentary and Assembly constituencies delimitation 1972-73 ,1971 census pansan in na um tahi. Tam delimitation hunlai in Assembly constituency khat Churachandpur district ah constituency khat, Phaisat constituency suhmang ahi nua in guan be in um hi. Tam na constituency tha guanbe a um pen 59 Saikot A/c ahi Articles 81, 82, 170, 330 and 332 Constitution danbu a siemtha in um hi.(Eighty fourth Amendment) Act, 2001 (notified on the 21st February 2002.). Delimitation in tam bang in gam khen thei ahi man in UZO lamkaite panla na patat huai mama hi. Maban a hamlou a ih um kha zen zen uleh igam ichi chi uh koi e khat te a ahing hi ding hi tua chiang in ahasa mama ding.

Kum 2002 in zong India Parliament in delimitation act et tha na nei ta uhi(delimitation act 2002, notified on 4th June 2002) tua chin , 4th July 2002 in Delimitation comission bawl in um a , supreme court a ukil lui Justic Kuldip Singh chairman in pang hi. Tam comission leh Manipur a Congress lamkaina nuai a solkar ding Secular progressive front(SPF) lung gel I gen man non sih ding hinan leh tuni tan a tam delimitation of parliamentary leh assemblies zaw siang ahi nai lou alamdang khat ahi, zaw siang ahun ta hi. Tua lou in maban lung gel buai na in a um zing ding in alang hi.

Manipur solkar in phualpi in a bawl delimitation comission survey leh thupuasah pom hileh igam singngat A/c zong buai pha lou maithei ding a, tuanah sang in A/c tha zou ten kinei kha molou ding hi. Delimitation comission bawl dan in 2001 census zuiton a Manipur a A/c te khen ding gen a tam in phaizang a Assembly constituency 40 um lah a thum la doh a singtang a reserved seat 19 umte a koidin thupuasah uhi. Tam deilou na in August 1 2007 in manipur legislative assembly in thupuasah 2001 census cancelled ding in bawl uhi.

Pawlpi tuam tuam in deilou lahsah na in strike te pan ua, band leh adang dang thawm gin za hipan hi, tam Manipur solkar thil bawl Delimitation comission in amau mudan toh lamdang sa in minority a pat dalna/nanna a um nga uh hi zaw in amu thei hi. Delimitation comission thil bawl kal a Manipur solkar in thil a bawl in delimitation comission leh RR Rashmi, Chief electoral officers Manipur in Tamthu(Resolution of Manipur legislative assembly) pen Guahati High court a ngaisun din gen ngal uhi tam hun khu 23th Nov. 2007 in delhi ah gen uhi.

Delhi Internatinal youth centre a UZO lamkai khat in agen “ igam ihumbit zou kha leh chia Delhi a hing kal suan kahi uh..” chin gen a Vice-president pu in ZSP te ahing thumop na ah “ I bawl thei tan bawl sawm vai I gam chan ding ihita panthei tan in I pang ding ua lochin na pasian khut ah ikoi ding uh chin gen hi. Tam atung a India phualpi solkar bildaw dan et in, UZO lamkaite delhi a delimitation gal dou ding a ahing kuan uh thawn/ lawsam lou ding hi. Minority khat pou pou a pat nanna a um tam pou leh UPA bil vut mam hi, I gam uh I chaan ding un ka ging tasih hi. Tu hun in Green signal um nanleh genthei umnai lou bang phot hi, Dash munsi in agen na ah North-east a state thum leh Jharkhan state pen sukha lou phot din gen hi. Hinanleh maban ah solkar hing kiheng thei ding a lungsim tuam thei ding ahiman in tutu a UZO inampi lamkai ten pan ala tahtah ua khau tah a ading ding uh dei huai hi.

Abang hileh UZO Vice-President pu gen bang in “…thil zou sia pasian khut ah koi vai, UZO nampi lamkaite ka hing patat mama Lungzau sin pasian in ima hing pui ding..” I din tang ua hangsan tah a ipan khawm chiat ding uh dei huai hi, maban ah gal sat inei ding uh tunia UZO lamkai ten pankhawm na Delhi a hing pua uh imansua lou ding ahi. I appreciate the spirit of our great leaders..
Here in Delhi UZO leaders start anew chronicle and a new legend begin.

Manipur solkar lunggel pilkhel dou ding a UZO in UPA delhi a hing tual sual khangsawn momnou te lunglai a athamden ding kadei, khangthu ah gel lut in tunin a um hi.
Delhi tualpi ah UZO min loi bang thang...
Ka thang e...
UZO damsawt hen..!

Saturday, January 5, 2008

2008 First SMS ! " Na Vangpha Hi "....

Hausienmuan Munluo
“Kumtha melna mu a, hanmual lam gel lou a na um leh mi vangpha na hi, khovel ah kumchin in mi asang sang in mualliam a, a insung mi asang sang in kumtha ni in hanmual a koi e khat gel leh sun in kumtha vaidawn uhi, nang tua te sang in na vang pha zaw hi.” Chin Achan in 12:01pm di vel in hing SMS hi.

Adih hi ka hinkhua peisa 2007 kum ka gel chiang in ka thil bawl hoi leh ka vang phatna te gel leh mupha lou in ka vang siatna hasat ka thua nate bou ka lung ah hing lang paipai a mivangsia bang in ka ki koi a kei leh kei ka ki sugenthei mama hi. Hinanleh gari a accident a maivun a liamna ma pawn lang belbol mikhat ka mu in mihing lah a zong pa itt dia mivangpha kahi chin lung ka gel…

Na hinkhuo sung a galtai kichi bang e na thei kha nai lou a, suangkul na lut nai lou a jep a na um nai lou leh leitung a mihing 500 Million te sang in mivang pha zaw na hi. Na inn sung a daikaih a zan khova galvil dan a na um nai lou a na naupa leh na upa ahei zaip(pocket) a damdoi tang poimo lou na mu nai lou a, khamthei Nos.4 bang e chi mukha nai lou leh dugaw nai lou na hi leh khovel a mihing 200 mIllion te sang a mivangpha zaw na hi chin UNODC in na bil kawm ah hing gen hi. Na nu leh na pa, na u leh nau ten damlou na zia a Crocin a ne mun sim ua Doctor gen damdoi lei na a sum na sen tam sim leh zong kingai se nai sin mivang pha na hi, UNODC in damdoi khamthei tang ne tam bang in gen hi: Cannabis -marihuana, hashish mihing 162 million in neh a, ATS -amphetamine, methamphetamine, ecstasy, methcathinone mihing 35 million in ne in, opium, morphine, heroin, synthetic opiates, kichite million 16 in na uhi- tualeh midang 13 million in cocaine ne uhi. Na hinkhua a hasat na tampi tua kichi in lungkham kisa in na hindan hasa nasah ni in lungkham sim mivang pha na hi, na hinkhua damdoi tang leh khamthei ten ahing control khatai…? Midang million 200 te sang a na hin khua nuam zaw mama ahi.

Chizatna bei a, lungsim zauthong lou a bieh-in sung a na tou thei a pasian na biah thei nah lai leh leitung a mihing 3 Billion te sang a vang pha zaw na hi. Khovel ah pasian be ut tampi um nanleh ahinkhua zau na zia in bethei lou in chizadna ngen in dim mi te sang in nang na vang pha zaw nalai hi. Na tah sa tung a puan na sil leh na teeng a, phalbi dap nuai a genthei kisa in vot/dap sa nanle chinpuan sil ding na nei nalai a, nuamtah a na ihmut thei leh khovel a mihing 70% sang a hausa zaw nalai na hi, nang mi vang pha na hi.

Inn kuan damlai teng toh kumtha na mang khawm thei a, biah-inn a leengkhawm na bawl thei a Hospital lam lung gel na nei lou leh nang khovel sangtam tah te sang a vangpha zaw na hi, mitamtah ten nichin in Hospital ah sina maitua ua adamlai te zong lunggim in hospital mai ah lunggel neithei lou in a koi e khat buaipi in um uh nang tambang na tua lou leh kum 2007 a mivang pha mama na hi chi ki thei in, mihing in lung gel sang tah inei ua hinaleh pasian in thil atangtung sah a pasian programe tangtung na hi chin na koi e khat in ahing gen pia zouta.

Na kholaite ua Bomb paw ding zauna nei pum a lampi a na va nai lou a, hei lang e apat thautang hing leeng in na lu akha ding na zau nai lou leh khovel a mihing 80 million val te sang in na vang pha zaw chin UN world crime in hing gen hi. Khovel mite kithat tua sawm in nichin kisui ua, ei khovel mi hilou imah..? mi vang pha na hi zia ahi zaw hi. Ni chin bomb paw in mi si zing a khat vei lam a Pakistan a ningahni dated si nu Pi Benazir Bhutto zong vengtu tampi tah nei na leh si na in zau lou in bomb in asi ve leh, nag bang ding a tam bang a gim neitah a tha hi lou, Pi Bhutto in Pakistan ahing zot/lut kiani in ama deisah tu sangtam tah ten vaidawn na nei ua tuanah zong tha sawm ahi in bomb suh paw hi a mihing 140 val in sina atua na sim kha a nang in migam buaidan na chi thei leh amaute sang a mi vang pha zaw na hi. Kum teng in bomb a si leh thauvui thautang a si mihing 10 million ding velte sang a vang pha zaw na hi.

Na naunu pasal khat in abawl siat nai lou a zanvot nuai a apuante ama ut thu lou a sutsah a aum nai lou leh na inn kuan ua mi vang pha na hi uh Delhi khopi sung a kum 2007 in numei bawl siat na Rape na 581 um chin Delhi police ten gen uhi. Na inn a na gouman pha te gupia ana um lou a, na inn sung a na itt na in sung mikhat ahing kitha pia nai lou leh kipah in Delhi khopi sung a mi Lakhs bang zat te sang a vangpha zaw na hi, na khosung/vengsung a bangma lungphawng thei ding aum lou leh vangpha ihi uh Delhi khopi sung mai ah zong kum 2007 in criminal cases 53,244 um hi ei tua te sang in I vangpha zaw.

Na in vengpa ahei na in veng nu puansil leh khedap bu na eng zia a vangsia kisa a na hasiat leh kigel pha in khovel ah mihing puansil zou lou dim set in um a khedap lei zou lou a dim hi amaute dinna ah ding le chin bang na chi diai..? Na kap diai ahi lou leh na nu na maw sah na lai diai..? Na buai na te thei in hina leh na vangphat na zong thei in chin ka loi pan hing gen kha hi, tam dih mama va. 2007 in igam ah sina tua tam ding a, galzau a tai tam in neh dng nei lou a lung kham tam ding hi hinanleh nag tua na umna a pat a na inn sung mkite tua siat, galtai, si leh suangkul lut chi thute na za kha nai lou a um na hi leh mi vang pha na hi.

Tam 2008 a ka SMS mu masah pen hing thot tu Achan in bang tan lung gel anei a tam bang a ahing thot ade aw, Delhi a 24th December 2007 a ka loi hoi mama Kimi in lungkham zia a ahing na mualliam san nua a tua zong mahini kikhailum in ahing lung sgim sah dia nua a tam bang sms ka mu in January 2007 – December sung a kahing khua te aban ban in hing lang in aw mi vangpha kana hi petma ve chin ka chimo na teng bei phial in kipahna ka nei hi. Nang zong 2007 kum a na vangphat na teng geltha voi tam nungah nou Achan SMS adih dan na hing thei deu deu ding a khovel a mihing 70% te sang a vangpha zaw na hidan na hing thei ding hi, tua zou chiang in tam Achan SMS aphat tuamdan tam kalai gel apat na thei ta ding. Achan in SMS ahing thot in zaan khovot nuai a lung gim kisa a um himaleng ka mit a luanhite val sit set in ka umna leh inn lam a ka inkuante ka mitlha ah hing lang in kumtha mang lop nonlou pa mittui val pum in van a alsi leh tung solha entou in ka kam apat awsua hing pawt in Kumtha chibai…!hing chi khia a vangpha kahidan ka hing kithei khiat in kum 2007 ka ngaitha asua hi. Tam Achan SMS ka loipa kung a ka gen pia zou in ama bangma bawl lou hamlou a siptah a um pa hing kap khia in van tung lam en in Kimi. Kumtha chibai..chin hing kap khia hi.

.