By: Mangmin Munluoh Singngat
Zogam reporter.
Kou singngat kiim a zouta ten hinkhua tam bang in ka mang zel uh, Phaijang helpawlte tuitha lui dung ah hing luang let tou un ei zoukual khen khat ah hing busa ta mai jen uh.ka um na u Manipur ahi; buai leh bandh gam a hi a, tua phai jang helpawl te gam tat na te Hiangtam(k), Theikhotang, Suangkuang, Zoukhonuam leh Teikot te ahi uhi. Tuate Bang khua e.., bangmi e…? Chi zou ki chi minam ten i thei ngei di'n ka ging ta hi. Tuate ei minam ma ahi u, minam dang a hi sih uh, Maw..!
Tua jiah in tam kho te gen gen leh lunggul leh ngai tuah pi pen : “Bangchi chiang in Indian Army te toh ahing kikap ding vuai chi ahi ?”.Indian army in lah buh(chang) koikoi ua, Mipite khual na'n zomi sepaih te jong Hiangtam(k) a um din nget hi a umsah in umpai uhi, azauthawng ma bang un leh a gintat ma bang un mun tuam tuam ah Indian army toh hing ki jial pai ngal u hi.Phaijang Singneimi te lah ki hem jel um jel ua,tuami kiim a um michin lung khoi in su zauthawng mama mai hi.
Tuachi kom kal ah Theikhotang leh Teikot te'n jong a inn a lou te u nua sia in Zoukhopi singngat hing bel uhi. Suangkuang, Teikot, Zoukhonuam te'n i piana ipu-ipa luah na gam ah chi tin ten u hi. Hinan leh jong a lung dam huai a hi leh bang kim bolthei pa'n hing um pi di ahi, ama muang pou lei jau ding umlou ahi chi un ki ha mua'n tuoh jel u pen mi upa leh khosung vai hawm ten khosung taga te ahemthei na pen uh ahi hi. Tua ma bang in mipite um na ah ki kap kha lou un gamlah ngen ah ki kap jel u hi. Dated,30.11.07 in jong thu kijahdan in Indian Army te khat mualliam hi,
Singngat, Muallum, Bualkot leh Behiang a chu Indian Army 9th AR te parmanent in um u hi,hinanleh khat te'n(Phaizang helpawl ten) jau lou un Tonjang, Suangphu lah vel a van va lei jel ua, ama un mipite kung ah, jausih un hilehjong thautang baleng kiveng jel un chisa'n u hi. “Gorkha Rifles leh Rajput/Rastriya Rifles chi lou ka jau u aum sih hi chi na lai uh, ha jial a ka kijial di un Zoukho lah a Vohnou del a ki del ding himai….” chi san u hi(phaijang helpawl te'n)
Tam kang gen na a hi leh i pianna gam jong gal muan huai non lou a, ipu ipa satsa imi liangvai te thua na te ka gen ahi, tualeh I pianna gam umdan zong ahi, tuaban ah imi isa te hinkhua man dan jong ahi,Singngat a buai pi thei tan in ki buaipi a, imi leh isa ten Human right bawsiat a ahing um kha ding nasatah in veng thei dan dan in kiveng a Army te houpi hizel uhi. Kou Singngat ten nou Out-side Manipur a umte na Identity politics uh ka buaipi ut nai sih un tua sang in Zoukhopi leh ami ten khantouna a anei thei ding uh,tualeh akiim a pam a zou minam in abel thei zing ding in Civil society kichup leh hat ka buai pi zaw uhi.
I zou nam sung a civil society hoi inei lou ua ikhosung I veng sung te ua,khamthei guithei, nehgu, tahgu, te I dou lou ua imi aliangvai ni a bangma gen thei lou a ium zing pen uh puanat ahuai hi. Civil society kichian nei lou a Identity politics buaipi na pen nam khan na ding a Longjump bawl bang lel tah ahi.
Tuaban ah a mau u te lung nuamtah leh zoukual : a buai lou nang in, i thum na te ua thei vai, a umlou umsah thei pa a um sa lakia thei pa i Mangnunnem muang in thumpi chiatvai chi ka deina ahi, na mi na sa te ahi uhi, manghil sin,kei thupil ahi.
