Welcome to the Zou Huah Impression / Zovakhu blog, where you will find posts on viral themes, politics, religion, culture,story of suffering children,Justice to the poor and daily life. I request all student of the Zo`s to come out and fight corruption,Non-justice and the fail vision in our land.
for acknowledging the achievements, contributions and struggles of the women from all over the world.
Women are the real architects of society. - Harriet Beecher Stowe
By:Hausienmuan Munluo
I nua kumni peisa nua March tarik 8 ni in ka innveng te u inn a naupangte skul kuan hun in kava va hi.Atanu u Hoinu kum 11 mi skulkai nonlou[skul drop-out] in a nu kunga Nu,kei bang huna skul kai kia ding ka hiei? chin donghi.Anun`n bawi inei loutoh lai nasim thei a na gelthei leh ei adin hunta hi,nei hilei nabawn un skul ihing kaisah nuam hi chin dawnga, na u skul kai zouna dia hapan a ipang ngai ahi chi hi.Total literacy signature campaign Pu.moderator in ahing pat in tam 0Hoinute nuta hasietna toh kahing gel doh hi.Tamna thiltung pen hasiet huai kasah zia kahing gel hilou in,I zou minam zoudawn lam innsung dinmun leh naupangte hinkho zahdan tomkim a agen-a kamu zia ahi zawhi.I society ua adiah in zoudawnlam a numeite laisimna,pasal sang in kingaineu zawhi.Delhi zou sung et in numei sang in pasal koles kai tam zaw-a,tam in zoukhopi te a zong numei ngaineu na um ahi chi lung gel hing neisah hi.
Tam Hoinute innsung a, a u pasalpa skul kai in ama leh anaunu Kum 9 mi skul kai nonlou hi.Inn nasep le lounasep ah anu le apa kithua pi ua,a hinkhua u nichin in nasep ahiden hi.Tam Hoinu te unau in a..b…c… leh amau subject simthei ua anaunu in laibu dang simthei lou hi.Laisim thei bang nan uleh aloi akhan gual pha ngeilou ding uhiTam hoinute unau in apichin dongua a hinkho zah ding u nasep ahi.It is the lives lived by many of our childrens;no plays,no learning;and always vulnerability-to edonomic and sexual exploitation,to a general powerlessness,this poverty of choice,would run through these childrens adult lives-a fate they will share,in varying shades of darkness,with large number of zoudawn naupang`s.
Ngaitua tham chingkhat,tu a I mission skul te leh hattuam ten I minam abuaipidan et in,tam naupangte hinkhuo zahdan a he[changed] thei in a umna de aw?Tua leh theinuam huaikhat I zou migun[Pharisai]ten zounam khantou na ding[agu-a] aha gen na u numei leh naupang khan touna ding genkha lou in,abuaipi un, laisiem tampi te leh ZDV ten I nam damna ding agen uhi,hinanleh zoudawn naupang adiah in numeite hinkhua zahdan he lou in I nam in damna amu in akhangtou theina diai?I naupang mawlte hinkhua he lou in inam khangtou din kamusih hi.I society ua innsung leh pulam a numei te tuam bawlna a um hi.
Zoudawn lam numei le pasal skul kaidan et in ratio kikhe mama hi 3:10 chileng zong genkhial din kaki koisih hi.Khopi a zong kikim lou ding hi.Tam naupang Hoinu lungtup khu Doctor ahi[ka doh ahi] zoudawn innsung khosah dan ha mama leh laisim nonlou numei naupang gen hinanleh ka bil vut mama hi.Numei ten apoimo pasal toh dinmun kikim[Right to equality]chi Hoinu apat in ka thei thei hi.Laisimna,nahsuina,khotang hinkhua ah pasal leh numei dinmun kikim ding poimo chi zoudawn naupang in ahing hil hi.Tam Hoinu in ngenge hing nei ding a a et kol dingdan buai ding hi.Hoinu in bangchin atate mi apha sah zou diai?Education,economic,health lam ah mitmial in mitmial apuigal kai ding ka gingta sih hi.I nam damna din ken zou numeite mitva sah a,naupangte va pia poimo kasa hi.
Tu in zounupi tampi mitmial hi,Mothuai tah in numeite laisimna,nehsuina,khotang ah I ngaisah sih un innsung etkolna ah mawpuana lianpen ipe zel uhi.Tate etkolna ah genthei leh siemloutah in pilna siemna suina a ina ningkoi,ngaineu,I ngaisah lou numeite I zang zel uhi.Pu.moderator gen bang in zou pasalte numeite theilou a agu a khan tou sawm u adiei?Pilna toh kidaim I laisiem tamtah in numeite ki mu lou bawl in inam damna ding gen uhi loching lou ding uhi.1992 X-mass ni in ka tunnu hing thuhil khat losapna khu zawthei ahi[failure can be conquer]tuni tan in ka thei zing hi,tam kahing gen na pen nu in tate athu hil bang a taten aphat tuampi midang um lou hi.Ka nu in asanggam pasalte bang in lainasim leh tua khotang leh hattuam-a a mapuina tu sang in loching zo ding hi nuamsa zo ding hi.I nam damna din numeite suhhat-a Right to equality I society leh innsung a aumngai ding hi.
Tam numeite suh hanta[women empowerment] leh zoudawn naupang hinkho zahdan he[changed] na ding in koi in koi kumg a bang agen a bang a bawl ding e?Thilbawl ding hasa mama nanleh poimo a ka thei ei le ei iki notua ua[we must pressurizes each other] ei le ei I kipui[guide] ua,pilzawte leh siem zawten amawlzote na hing pui ua,Zoudawn naupang buaina,numeite buai na thei chian a buaipi tah tah poimo hi.Tua hileh inam damna ding leh I nampi lunsa pahlun kiana dia kalkhat malam suan ihi ding uhi.
Apeisa February 4, 2010 Ningahni'n ZSP President inn ah ZSP Delhi Branch in Delhi Zou sung a amasapen ding in First Intellectual Meet leh NREGS toh kisai a Delhi hing zin Pi Mannuamching SDO Churachandpur toh jong houlimna nei uhi. Tam Meet pen theipha tan ah Delhi Zou Sung a ding a masapen ahinalai hi.
Tam hun ah Pu Khaibiaklian President ZSP Delhi Branch, Pu Zuanneithang Secretary ZSP Delhi Branch, Pu Kamlianlal Co-ordinator ZSP Study Forum, Pu Kapkhenmang Munluo, Teacher ZSP Study Forum, Pu Zamlianmang Teacher ZSP Study Forum, Pu Dr. David Vumlallian Zou, Associate professor, Delhi University History Department, Pu Kamminthang, Research Scholar, Jawaharlal Nehru University, Pu Khakhai Zou Executive Secretary Parliament of India, Pi Mannuamching SDO Churachandpur, M.Sc Gold medalist leh ZSP Steno Tv. Hausienmuan Munluo (Meet Recording Secretary) te pang uhi. Tualeh Numei lam ah ZSP Finance-Cum-tresurer Nh. Naomi Haumuanching lamkaih in, Nh. Cicily Nianghaulun Staff nurse, Nh. Mary Niangliankim, Staff Nurse, Nh. Dimngaiching leh Nh. Grace Valte ten jong hing uap uhi.
Delhi phalbi khovot laitah himaleh Zou migunte, Zou Scholarte, Zou Sangnaupangpang muanhuai mama ten thasit loutah in inam a ding a Mission nei ahi dante uh thei in houlimna zansawt nuatan in zong kipeipi a zan 11:pm ( SDOpi kinawtah ziah in) kikhawlthei vanglah hi.
Presidentpu inn a Sanapih in nai 7:pm ahing khet tah in ZSP DB Secretary Zuanneithang in hunhingla in "Mimal kipulahna" aman hing nei ngal a tuachin aban ban in kinei hi. Mimal kipulahna jou in ZSPDb President Pu Khaibiaklian in kipahthu genna leh hunpatna thuumna hing nei a, tua zou in Pi Mannuamching in Delhi a hing zin nasan hing gen a, Innlam education leh economy dinmun kisiat dante gen a, i gam uh Socio-politic dinmun nature te siat dan jong genhi. Aman; "Delhi a umte innlam te'n kinepna lianpitoh hing en ahidan te gen in, Delhi sangnaupangte'n igam dinmun enkawm a lekhasim a, i lekhasim pen eima mimal ading gua hilou a i nam a ding a zong hing sim ding in hing hantawh hi. Tuazou in Pu Khakhai Zou in ZSP te thumopna hing nei a, ZSP lamkai te'n tambang a discussion/ houlimna vai ahing sawmpen uh kipahpi thu gen hi. Ama hun lai leh tu khang a lekhasim na lam Education standard dinmun a kikhiat dante gen a, Sangnaupang ten lekhasim na leh competitive exam na ah lawsapna "Failure" zaulou dingleh zumpi lou a hatzawsem a pang ding in deisahna lianpi toh Sangnuapangte hing hantawh hi. Tuazou in houlimna discussion pat in umhi.
Houlimna/ Discussion pat thei na ding in amasa in Dr. David Lalpi Zou, Pi Mannuamching SDO CCpur,, Pu Kamminthang, JNU Research scholar, Pu Khakhai Zou amaute munkhat ah kitou khawmsah a Ist Delhi Zou intellectual Meet discussion pat in umhi.
Dohna 1; UZO Education policy peipi lel pen Behiang ah Hattuam teng leh sang-inn umte'n merger ding phasa ua hinanleh tuleh tu in St. Mary School pen problem umhi. Tampen Delhi apat ngaidan bangchi kup ding a, tam Behiang problem pen a solution ding bang ahi diai chi'n dohna Pu Khaibiaklian, president ZSP DB in hing bawl hi.
Dohna 1 (A): Tam UZO education policy Behiang a athil sawmdan pen uh thil hitheilou khat back fire thei ahiman in UZO lamkaite spirit beilouna ding in thildang policy genpi thei ding bang a um ei? Dongtu: Hausienmuan.
Dohna 2: NREGS tungtawn in Zodawn ah sustainable reform pat thei ahi(ta) diai? Dohna bawltu Tv. Hausienmuan.
Dohna 3na: BJP ten NREGS nasatah in ana dem un, tu in phualpi solkar central government kihengta leh party dang in vaihawm taleh NREGS pen suhbei in a um diai? Dohna siamtu: Tv. Hausienmuan
Dohna 4na: SDO power tan in i Zou khuo te ah economy leh education survey "Surveying the Nature and impact of education amongst Kids in villages" bawlthei ahidiai? Dongtu Tv. Hausienmuan
Dohna 5na: Khopi leh Zodawn lekhasim na lam ah kikhe mama kasa hi. How do you think we can bridge the gap? Dongtu: Tv. Hausienmuan
Tualeh i gam a corruption dinmun, fake appointment, bribery, central government policy leh Zoute, Look East policy leh Zogam, international trade market (Behiang-Singngat model), Sakhuo adang dang zong genkha in umhi. Tuazou in ZSP Study forum Sangsye Pu Zamlianmang in ann kuangthumna hing neihi.
Tam houlimna Delhi Zou khangthu a ding a amasapen ahi. Dohna khenkhat constructive conclusion kipethei naisih nanleh mimal ading leh i Zounam a ding a phatuam tampi kigenkhia a, i Zounam natna hih solution zong tampi mukhiat in umhi. Tualeh Sangnaupangte lungsim ah i nam mawl ittna hing khangsah sem in Zou thinker ten Zou Education dinmun leh maban peipi ding sautah nei ahi man in"ZSP Effect: Zou thinkers to outsource Zou education journey" thulul zang in report kahing piah ahi. Discussion hun pen khana dan khat kinei a gen ut tampi umnalai ahiman in ZSP Financepi Nh. naomi Haumuanching in feltah a ana huan ann (Ka nu'n nekhaleh tuisaven) tuitah in ki imm khawm a tuanah houlimna nasazaw sem in kinei tou nalai hi. Ann kuang immkhawmna ah Nungah fel Nh. Dimngaiching leh Nh. Grace Valte in feltah in Hostess hing saisah uhi.
Annkuang immkhawmna nei jou ahinua in jong houlimna/ Discussion peitou nalai a, SDO pi Mannuamching in ZSP Delhi Branch panpi na ding in Rs.2000 tah hingpe setsut nalaihi. Sangnaupang, Zou Migun, scholar peikhawm teng in tuni programme lungkimhuai sa mama ua (Expressed satisfaction) ZSP lamkaite lunggel siamdan kipahpi mama un. maban ah a lianzawsem huap in saitou zel ding in zong hantawh uhi. " En un gam leh nam itt Sangnaupangte mel et lawm hinamai zen e...."
Note: Tam meet a Dr,David lalpi Zou, Pi Mannuamching, Pu Khakhai zou, Pu Kamminthang leh a peikhawm ten ngaidan hoitah leh giltah tah te hing sungkhawm ua gel siang ahinai sih. Detailed tah in Problem and solution dohna danwna te Zokuomthawn next issue ah simthei ding hi.
This book meant purpose and it does serve right. The approach to convey what we had known as ‘stories” came out to be ‘history’ when the Zou language was been taught as subject in high school; it’s now as decisive seeing in yet another medium. The Zodream’s Zogaal – Ka thang e, Ka Zogal Saat! smartly dare to presents the history and the stories. Blatantly insulating history in its own rights and not forgetting the doses of a regular comic story to opens one with a story about friendship, loyalty, love, betrayal, revenge and redemptions.
The Zou war of independence (1917 – 1919) started as Labour Crops announced to recruit 2000 men to forge toward France. The other tribe to resist this imposition was the Thadou. These two tribes joined forces against the white imperialists. The forts at Gotengkot and Hiengtam were the two main centres of resistance. It was in 1919 the last men of Eleven leaders surrendered at Hiengtam.Following each words with artistry dedications; the story begins: “Nikhat Zogamlai ah sing kung lien mamate leh hamphul mamate mun ah…...”. Here we have Thangpu, his loyal friend Paupu and his love Niengnou. The story strictly sticks to a time-frame when the war was on. We encounter Paupu tried escaping an English Officer; Men of the village been taken away from their home leaving their wives and children behind. Violence was grim and real. The avenging spirit of Thangpu was unmistakenly. Both the Artist James Taithul and scrip-writer S Nengkhanlun have given the right inputs into it. A pencil-drawing on a plain paper couldn’t have been much of use than this! Just when the ending came, the story just began. Thangpu raised up to avenged the death of his friends, family and ruined village. And the 56 pages being offered here came to an end. The seafaring White imperialist springs up like the fast growing cactus plant. The Zo land shakes like the earthquakes; ‘Tis the land of my birth: I shall not part with it! My sharp sword is strained with blood, I faced enemies; Being brave son of my father, I shall not fear.
Naturally, the comic pointed out the gruesome reality of Labour Crops, which was the cause of the rising. Let us reason it further that this didn’t stop even when Manipur was granted statehood. The lowly Tribes, or so should we say our great grandfathers and grandfathers, were subjects to this very cruelty even when they’d enjoy liberty in the land they had had fought for. A need to captured the young minds with this legacy which maintains in its own rights the sovereignty of Tribe; it’s nonetheless one participations of identifying within this somehow estranged nations of ours. This very effort couldn’t have gone wasted.
Zogaal – Ka thang e, ka Zogal saat! doesn’t show or direct out-rightly anything. But in way work up inhabitant because we are what this is about.
Zovakhu Comment:
Nice job,, Muan! Great Writing! Keep up the great writings..!. I found the book amusing thought a bit wrong. All the character in the comics were fictitious, something which should be avoided while writting a documentary book or stories.
Well, the war shows that our commitment to Zogam, not for fear of labour corps but to freed their son and grndson from the Britist yoke that My great grandfather was one of the unsung heroes in this War (Zogal). He was captured by the British and spent 9 months at Imphal Jail in 1918.
My lineage goes all the back to Singngat - then a Southern Manipur Province. The Britist burned down more than 30 house in Singngat alone. All others villages exceptd the Zous were infavour of the British while our grandfather fought tooth and nail, we should not forget the fact that the British brought in Meiteis, Nagas and other to crush the war of independence in 1918. How neat!??...
The Scene in my hometown. I was sipping tea, with my friend Lun inside a Hotel on my first morning after two years in Delhi. That pretty girl with black-hair was invitingly attracting me. With her halter-top/neck, shorts and hand-set. Lun new my attention and chat her to my table. After our tea party, we went out with the girls for a new Mini-skirts Korean fashion (All knew well, when shopping with girls one have to explore the whole town for a single shirt, right?). There i just found out “Kol Chalak Pil”. These Kolte’s have the ability to manipulate the market power to serve their selfish interests. On the one hand they assumed the form of a monopolist and on the other they create artificial scarcity of the supply of goods. This way their power to exploit the peoples enhances. They succeed in charging higher prices for their goods and services. Unfortunately, no civil society or student organisation in Churachandpur worth the name has ever exerted pressure on the monopolist to end this concentraction of economic power. And end one root cause of poverty.
The above writing calls for serious reflection ont he notion of our hometown economy. It is taken for granted that the town rich and educated people were developed, there were economic development in every sphere. It may be observed that some of our people are advanced and they are in the administration of the state and central. Sons and daughters of these richmen, high-paid officers are driving motor-cycle of the latest brand and a good number of “Pulsar”; proudly driving while some Subingtal were pressing their breast on their back.
On the other hand, tens of hundreds of Zodawn people are living in deplorable conditions. With Zodawn economy in aggravation, agriculture is still the main occupation of Zodawn peoples. These people are more ebgaged in physical labour and depend more on seasonal employment. Comapred to the town peoples, they work all day long. When agricultural season is over, these people look out for alternative occupations. What they produce is very low and not on a variable economic levels. There is no suitable occupation opportunities to replace physical labour. Even if opportunities are given, their human resources are not capable of exploiting these opportunities. So, they need the rich, educated and high paid officers and professional attention, care and guidance.
Everyday i was wondering why our officers, professional, doctors (Ph.d etc.) and urban elites seems surprisingly unmoved by the plights of these people. It is a nightmare in believing that the Church and civil organisation will make it developed. But one thing for sure is that our poor Zodawn Economy is worsening. Instead of boiling in our small petty politics in Delhi, the educated, elites etc search and find some ways from Delhi to helps poor Zodawn people. They need the maps, money and guideline. We have unemployment despite opportunities. That’s because our human resources are not capable of exploiting the opportunities. So, we should speak out here to the government on behalf of Zodawn people. We can send a message to the government that theyu should focuss on livelihood training and make Zodawn youth a world-class workforce and focuss on natural resource based development.
What our homeland economy is going through is not unique. Perhaps the scale in Zodawn is worse than my story because of my small penetration in the villages. Almost all Zodawn village are going through a smilar transition i.e economic worsening. How material transformation is impacting attitudes is not clear. My father, a church elders and social visionary, tells me that the number of educated people leaving Zodawn to its own fate is on the rise. Halters-top and shorts coexist with monopolist capitalist, Pulsar with physical labour and increasing urban elites with exploitation of the poor. Oh, is this the Zou economy of the 21st Millenium encapsulated?
Note: This article was write up in an attempt to show to the intelligentsia and civil societies to be aware of the grievance faced by the people of Zodawn. It is taken for granted that Zou development was possible only when every individual were developed economically.
Note: Kum 2006 May 26 ni'a Myanmar Aisih khuo a Zousuan mi 21 Myanmar Army ten a mat uh October 26, 2006 a hing pawtdohte tu a kum 3 na chin'na tan ah kipahthu gen kiza na lai ahiman in amaute saltangna thei zingna ding in ka hing post thahi.
BY: Haumuanlun Samte and Hausienmuan Munluo
Vuikhu laang liailiai kawm in Tedim Road, lampi setah mai zui in bus a hingtai ngiaingiai hi. Suunni mual ah a keniam hiaihiai a, lamgei a naupang hon, setah a kithuam te’n tua gari a tuang te a khut uh na lap uhi. A geinai deu ah kelo sing leh meihol bag a kichiang dim metmot a, a sahlang a mi bangzat te’n sing a aat nainai uhi. Tua laitah in Shaktiman gari khat in bus a hingpeel a, a khu ahuaise em em.
"I gam a singhoi-singlian teng kiphua siang ta ahiman in i gaal a gammaang sing te va sat loungal nemuna ding umlou," chiin Muallum mahajon, Hausuan in gen hi. Ama tel in Singngat tang a singsat mi 20 te, Kawlgam a ni 177 sung thong inn ah genthei tah a hun a vazah nua un tu’n damtah in hingpawt kheta uhi.
Tam ahile dan bosiatna leh thongkiatna taangthu gua ahisih. Zodawn mangbatna a kipan khosua khiat theina ding lampi suina zong ahi. Tuabaan ah, tam tangthu ah unau, chikhat-sakhat kaal a kilainat tuana thuutah a tel hi. Tu in suatatna dah a gingta, i chi maithei. Tamtan in i tungthu uh beisah sihvai. Mabaan sautah i neinalai uhi.
Guun pang Buluna
Guun lui gal, gammang a sing thupi tahtah te sat a nesui in a kum a sim Singngat kiim le Behiang gam a khua khenkhat te na khosa tou uhi. Tam nesuina ahile a met lawmlawm sih. Hinna diing a zauhuai thei thil tampi um hi. Lam setah leh gammang kawm a sing la a kuan na ahia, Kawlgam a i unau, khomi te leh Kawl sepai te suh lungkim - khenkhat te’ a di’n bang kiveen - ngai gige hi. Mahajon te’n kho hausa te’ kung ah ha thum leh li bang dai ding singla theina di’n Rs. 20,000 - Rs. 40,000 kal pia uh a, tua hausa te’n sepai te mai etna in a kimkhat ding bang pesawn uhi. Nanleh, sum bangma pelou a lut pawl umzeel hitua.
"Sing beam, cubic 1 ah Rs. 60 a la in Rs. 90 in ka zua ua, semtu te teng khatvei kuan in Rs. 500 bang ka pia uh," chiin Singngat mahajon khat in geen hi.
Kawlgam a Thong inn ah
A ngeina bang in gari bangza te a kizui in mi 100 valding bang singla di’n Aisi gam ah, tukum May ha bul in na lut uhi. Hinanleh May 6, 2006 ni pen a ngeina ana bang ta sih. Amau te thakhat thu in Kawl sepai te’n khum uh a, gari 3 leh mi 21, naupang khat tel in, man uhi. A tam zotham te vang sua ta man uhi.
Chikha ah peipi in um ua,tua zou in May 12 in Tonzang lockup tut hi uhi. Vangphat huaitah in tahsa lang a kigawtna nasa a umsih. Khatvei, Singngat Vengnuam a Thangkhankhai, a lu suh keh in um a, tualou in June 27 leh 28 in buaina khenkhat a umzia in up-down 600 val vei neisah hi uhi. Tuaban ah, Sumchin mi, Dalkhanpau, OC pa’n a ngei phe a pehpia zia in kal khat vel tang theilou in um hi. A umna lockup uh ahileh feet 20 square a neu ahi a, tuasung ah mi 21 kikoi khawm in a sung ah dailen bu khat um nalai hi. Chikha a kipan Tonzang a a tangsung teng un mahajon te’n ne-le-ta teng sengbei uh a, annhuan di’n khomi te zangtou ngiitngeet uhi.
Tonzang a a umsung un court 13 vei kaiman uhi. Court a a dinchiang un a tang ua ding diing Ukil lawki siam a nei (thei) sih ua, thukhen tu khat in ngo a a umna ule a mona te u simkhiatna nei a, thukhen pi pa’n . tua te pansan in thu tankhum na nei zuingal zel hi. Tamding in i unau te’n sum tamkhop seng uhi.
August 25, 2006 a Tonzang Township Court in a thukhenna ah naupang Pauminthang hakhiat ding, chi a, Tangpijol mi, Manglianlam, SSB thau khat toh matkhawm kha ahina ah sabeng zia in kum 19 sung jail tang di’n thu tankhum hi. Midang 19 te ahile phalna bei a gamsung luut leh singsat zia in kum 12 sung tang diing, chi ahi.
Tu in amau te a mailam hinkhuo uh mialna in a tuamchip ta. Lametna bangma a neithei nawnsih uh.
Tuachin, August 31 in mi 21 te Sagaing Division sung, Kalemyo Township a Inndainggyi prison-cum-labour camp puatung in um uhi.
Naupang Pauminthang pen hakhiat in a umpei sih. Hun sawt kuamtah hing kivei a, belding neilou in mangbang tah in a thei ngeilouna gam ah hun hing zangtou hi. Innkuan khosah hasat zia in Hausuan in ama na kemtou hi. Hingdam a a tun nua a ahing kimu un Paumin in hasetah mai in a pu, Hausuan’ kung ah hichin gen hi: "Nou Kalemyo zuan a n’ang peisan nua ua kei gua a thawmhau tah a um ing a, innlang lah pei theilou, melthei lah khat zong umlou… kei ka kapkap mai…Pu.." chin gen hi . September ha lailah vel in Champhai ah hakhiat in umpan hi. Tam a kipan innlum a zotdan bang l tangthu hasiat huai mama khat ahikia hi.
.
Inndainggyi thong inn ah a gawm in mi 1,300 vel um ua, tua nah numei 270 veel tel hi. A hunzah dan tangpi uh ahileh: ziing dah 3 a thou, kisusiang, daa 6 a singpi dawn, na seem, daa 10 a zing ann ne, daa 11 a pindan a lutkia, da 1 apat na sem, daa 3 a ann ne, khawl tawldam, tuazo ut leh utlou umlou da 5 a kipat meimit! A gendan un a ann ne te uh voh ann sang a zong tuilou zaw, chi uhi. "I lu anat leh paracetamol, i gil anat leh paracetamol, i sung a khoh leh tuama hizeel, natna tengteng a paracetamol hibei siang! Tuazong a umlou chia sialthua ek ngai nalai!" chiin a lah ua khat in gen hi.
Hun te hing peiliam zel a, Inndainggyi a ha ni bang a hing kikhum bichil nua un October 30, 2006 ziing da 5 in amau te’n - a lamet pha nawnlou nua un - suatatna khovah hing muta uhi. Namphalong a pui in um ua, tua na kipat Moreh tan hatung in um uhi. Kawlgam a a hunzat sungteng uh lungzin huaitah hinanleh amau te hattah leh hangtah in pangtou ngitnget uhi. "Pathian hing bia i hizia un ka lung a liapsih. July ha lailah veel a ka sung te’n innlam news a hingha na uah, Delhi a Zomi Human Rights Foundation te’n pan ana la ua, MP pa’ kung a a thu ana tun uh ahi, chi ka thei un lametna liantah a hingpia," chiin Hausuan in geen hi.
Mat ahitung un sepai te’n a vanteng uh lapia bei ua, a peikuan un puanteen khat leh puan-a khat chiat pia in um uhi. Gari thum, a matkhawm te uh ahileh tu in Chikha ah hentaang in umnalai hi.Tam Gari vang mukia din lam et hinonlou.
Sah-le-hang a Zomi te kithuza tuah:
pianpi laizom mi 21 hilhial gamdang a mat a a um thu uh a kithei a kipan mi teng lung hingphawng hi. Internet(computer) zang a kithuzana Zouworkshop adang dang, adia in SSPPNet (Delhi SSPP te’ bawl, international discussion forum) ah khawllou in tamthu kikupkhawmna peitou hi.
Tam Guun gal a saltanna tangthu, hing kithei khiatna ahile Lamkaipu H Khamkhansuan,Varanasi a kipat ahi. Mat ahinua uh, ni 18 bang a peiliam nua a complaint bangma bawl ahi nailou zia in a thu ngai poimo in May 24 in Singngat Hausapa Haukholian ngetna bang in singngat OC, Kamzathang, SI in FIR chiamte hi. Local news te ah zong report bangma a um tuansih. Mat a um innkuan te’n palai sawl in Singngat bial MLA, Thangso Kung ah va tun pei uhi. Thuchian theinuam in June ha bul in Zomi Human Rights Foundation (ZHRF) Delhi Cell lamkai te’n Singngat a um Mr. T. Dongkhansiam kung ah a thu kanchian di’n sawl uhi (lampi dang umlou ahiman in). Tua thuchian te pansan in ZHRF Delhi Cell in June 24, 2006 (Kiginni) in Manipur Outer MP, Mani Charenamei’ kung ah a thu tun ua, a hithei dandan a panlah pi di’n ngen uhi. June 26 (Thawtanni) in MP Charenamei in a thu, Home Affairs leh External Affairs ah tun ngal a, mimal tah in zong a saite va kimupi hi. MP pu’n khawllou a pangtou zel sawm ahidan lamkai te’ kung ah geen hi. Tua bang ahilai in, i Zosuan pi, imi ngelngel saltang uh, chi thei in awlmona lianpi toh Pu NT Khankhup, Indian Ambassador to DPRK (North Korea) in, Yangon a Indian Embassy a a lawm, Mr. Manoj Kumar Bhartu, Deputy Chief of Mission kung ah ana kan hi. Hinanleh amau hichibang thu thei khalou uhi. Tam ahileh June ha ahi.
August 3, 2006 ni’n Parliament ah MP Mani in tam thu tangkouna nei hi. Ama’n gamgi lelam tua a teng mi te chikhat-sakhat i hidan uh gen a, mat a umte’ hasat dan gentel in, a kinthei lang a Myanmar solkaal kung a hakhe ding a phu di’n Kol lamkaite te kung ah thum hi. Tuachin, ha khat nua in MoS (External Affairs) E. Ahamed in MP Mani tamthu toh kisai in laiha a, a thu, Yangon a Mission tungtawn a Myanmar solkaal kung a tut ahidan gen hi. Myanmar Foreign Office in zong tua mi 21 te gamsung a sing a satzia ua Myanmar Immigration Law and Public Law botsia hi un gen.
August ha tawp kuan in Pu NT Khankhup in Yangon a Indian Ambassador Bhaskar Mitra houpi a, hinanleh Mr. Mitra in tamthu amau kung tung nailou ahidan gen a, "Ka na entou ding a, thil umdan Delhi a i kimu chiang in ka hinghil ding," chi hi. September ha bul a South-East Asia sung a Indian Ambassador te’ khawmpi Delhi a nei a um in, Pu Khankhup in Mr. Mitra kimupi kia a, hinanleh tam tan in a thu, amau - Yangon a Indian Mission te - kung tung nailou nalai hi. Tuachin, Pu Khankhup ma in Ministry of External Affairs (MEA) a a saipa’ kung ah kan a, tam thu amau’ lah a taam lel ahidan hil in um hi. September 5, 2006 in ama’n MEA a Joint Secretary (BSM) Mr. Mohan Kumar va kimupi a, Mr. Kumar in zong ana ngai poimo mama a, tuani mama a Yangon lam a athu hakhiat diing in thu pengaal hi.
Tam bang lai in Lok Sabha/Rajya Sabha Secretariat a seem imi-isa te’n pan ahithei dandan un na la uhi. MP Pu Mani ngei in zong Burmese Embassy te leh External Affairs a mi poimo te kimupi touzeel hi.
Awl a panlah thei dandan a lah ahilai in August 25, 2006 ni’n mi 20 te’ tung ah thukhenna khautah mai guan in hing um hi. A lung liaphuai mama. September 12, 2006 ni’n Copenhagen, Denmark a om Lamkaipu Lealyan Thomte in, amun a pan hingla theilou ahiman in Rs. 20,000,tam saltang te hutkhiatna din panlahna di’n hingthot khia hi.
September 13, 2006 a Indo-Myanmar kaal a 12th Home Secretary-level talks ah tamthu geen in hing um a, phualpi ulian te’n Deputy Minister for Home Affairs, Union of Myanmar’ kung ah a kinthei lam a thu ngaitua di’n ngetna bawl uhi. Tualou in, October 14, 2006 a Siamsinpawlpi, Joint Headquarter Delhi’ saina a Siamsin Khawmpi um ah, SSPP Delhi leh ZHRF Delhi Cell te kithua in Chief Guest, Oscar Fernandez, MoS(Labour) kung ah tam tungtang a a thu ngaiven pia di’n ngetna na pekia leuleu uhi. Yangon a Indian Embassy te’n a thu amau kung a tungphet in "Consular Access" (suangkul taang te kimupi theina) ngeenpai ua, Yangon a Embassy a First Secretary (Consular) Mr. Raj Srivastava in suangkul tang te na kimupi hi. tuachiin, amau te a suatat theina diing un Embassy in natah in Myanmar solkal’ kung ah genpia hi.
Tu in imi-isa te a saltangna ua kipan hing suata thei ta uhi. A kipahuai.Kalaisai !!!!!
Ambassador Mitra in tua imi-isa te dam a hingkile thei uh a kipahuai dan gen a, tamchibang mun a umkha te, athu-ala genlou a kaplup toptop hi un zong gen. Tualeh, Myanmar solkal’ ngaidan in eite’n a gam dan uh kal a na vasem ihi ua, hinanleh India solkaal in mi gam’ dan va botsia, chi a hing pampai mailou a, hing puikhiat thil kipahuai tah ahi. Pu Khankhup in "Gamdang a hasatna tua i umleh MEA leh i Embassy te’ kung a a thu tutpai ding ahi,"chi. Ama’n tambang buaina mun tamtah ah na sai ngeita hi.
Tualou in, "Gamgi zul a zuiding policy, nou a dia hoiding, hingbawl khia un. A gal lelang tua a teng mi te chikhat-sakhat na hina ua, solkaal in dan a hing bawlsah theiding. Huchin, ke’n phualpi solkaal ka na phudiing," chin MP pu’n gen hi.
IImvuallou-nialvuallou thutah
Kawlgam a kipan i unau te hakhiat a aum thu uh a zaphet in Singngat MLA Thangso Baite in a mi zahte sawl in amau te Moreh ah va puisah a, October 31, 2006 in Imphal a a teenna inn ah vaidawnna neipi hi. A thugeenna ah, "Outer MP Mani in na bangma a sem theisih. Na tungthu uh Manipur ah a kisai sih a, kei leh Inner MP Dr. Meinya in a saanglam(Centre) a thil ka sai zia ua nou lawi hingpawt khethei na hi uh," chi hi. Mr.Thangso are they in the Jungle?//
MLA Thangso in panna a neisih,kachi sih. Nei khama va. Gensuh nalai vai
August 3, 2006 a Lok Sabha zero hour ah MP Mani in May 6, 2006 a Zomi singsaat 21 mat a a um thu uh a geenzou in Inner MP Dr. Thokchom Meinya in MP Mani houpi a, a thilgeen a di leh a dihlou dong hi. "Bialtu MLA Thangso in lah amau te ‘jail taang ahisih uh, gammaang a um ahi uh’ a chi a?" MP Mani zong hing lungbuai sim a, Rajya Sabha a seem, Lamkai Thangzalun Khuptong kung ah a thu kanchiang tha hial hi. Tuachiin a mang ngei nawnlou diing in, MLA pu’ thugeen, Zosuan te’ khangthu bu ah chiamte in hing umta hi.
Tuaban ah, November 9, 2006 a Lamkai Lun Khuptong toh MP Meinya a kihouna ua, MP pa’n jail taang te a pawtkhiat lang uh theipan hi. Dr. Meinya in ahileh khatvei Home Affairs te’ lah a lekha ana peluut hileh kilawmk. Ahin, India gam peidaan ah, tambang a lekha pialuut te koidap thei hinanleh Parliament House a thil taangkou a um te himhim koidap thei hilou hi.
Tuazia in, ZHRF Delhi Cell te’ panla nazia a, MP Mani Charenamei in Parliament a a kikoupina tungtawn a ‘i thu’ un a deenna diing muntah deengkha ahi zaw.
FIR case Singngat Police Station ah May, 24 2009 in tam anuai a bang in ki Registeres hi. FIR number 5 (I) 2006 SGT-PS under section 447/342 IPC & 27 Armed Act.
The 21 villagers under Burmese custody are:
Hausuan (45)
s/o (L) Hauthang of Muallum
Kapmang (20)
s/o Kaichinkham of Muallum
Kailam (38)
s/o Kaichinkham of Muallum
Manglianthang (25)
s/o Chinsuankap of Muallum
Zamlianthang (30)
s/o Chinsuankap of Muallum
Goukhanthang (38)
s/o Chinsuan of Muallum
Liankhanthang (37)
s/o Tungou of Belpuan
Chinkhanlal (25)
s/o Tungou of Belpuan
Khamkholun (30)
s/o Mangsei of Hangyang
Thangsat (39)
s/o Seingam of Haiyang
Pauminlian (19)
s/o Solal of Haiyang
Paulian (20)
s/o Seilun of Haiyang
Dalkhanpau (25)
s/o Liandal of Sumchinvum
Suanlianthang (32)
s/o Lianzadal of Sumchinvum
Thangkhankhai (50)
s/o Goukhup of Singngat
Khupgenpau (20)
s/o Khaita of Singngat
Manglianlam (25)
s/o Khupchinmang of Tangpizol
Pausuanthang (40)
s/o Khaihenthang of Lunjang
Zamchinhang (28)
s/o Thongzakham of Suangphuh
Pauminthang (6)
s/oThangsuandal of Hiangtam K
Tomei (38)
s/o Tomba of Bualkot.
Note: Kum 2006 May 26 ni'a Myanmar Aisih khuo a Zousuan mi 21 Myanmar Army ten a mat uh October 26, 2006 a hing pawtdohte tu a kum 3 na chin'na tan ah kipahthu gen kiza na lai ahiman in amaute saltangna thei zingna ding in ka hing post thahi.
