KHUGADAM..! BOON OR CURSE..?

KHUGADAM..! BOON OR CURSE..?

By: Hausienmuan Munluo. New-Delhi

Zingkal khovot meikai annne hun madeu in Khugadam Grouping center a khokhat a kava lutsuh hi. Inn neunou tamtah umnanleh mihing khosah theilou na ding tam in mi ateenglou atam hi. Innsung khat a lut in tuilum ngen in meipang a kaki sulum uhi.Baangvangte apat in huivot te hing lut in leivot in kasapum uh atawp in aphatuam seng sih. Kotkhat leh window khat umna mei akhu huai se mai; Nungahnu in tuilum hing saw in kaminte u gen in ama min vahnu ahidan ahing hil,a innkuan te zingtha a hol lua a kuan u ahi dan gen in houlim tuam tuam kanei uhi. Nidang, a khosah thei lai u hileh touna te pia a singpi hing dawn sah ding ahidan tuaidawng Vavah in hing gen hi. Khugadam in ka singpi dawn ding u noukhat ahing la pia.

Tam Khuga multipurpose Dam project pen 1970 vel a planning commission in a lemsahpi,India solkar in 1973 vel a investigation(suikhiatna) ana pat sah,1980 July in Rs.15.0 crores sen din ana lemsahpi hita a state solkar in August 1980 in lemsahna ana pia hi. Anasep pen 1984 in Manipur solkar nuai a Irrigation and flood control department malana a sep pat ahi.

Khugadam ! Mipi hamphatna mo,kaana.?

Khopi sung(Churachandpur) et in anei le haute adin modernization leh development tha tampi tungsah ding hi.Hinanleh asuhkha khuate(affected villages) aki peithei ten hamphat pi ua,akipei thei lou amawl meithai tagaten zawn lam mano uhi. July 1993 in Hydro-power component belap tha ahina toh Khugadam in “Electrict meivah 1.5 Mw leh 250 kw hingpe khe ding a,Churachandpur leh Bishnupur district a lou tuam tuam (irrigation) 15,000 Ha bawlna din kumkho tawn in tuipe ding a, kumkhat in bu nivei lathei in um ding,Lamka khopi leh asehvel te tui siang dawn ding zong pe ding hi. Tamite pansan in Lamka khopi ah ‘small scale industries khenkhat hing piang thei ding hi. Hinanleh Impact assessment bawl ngai hi,tam Dam bawl na a, Economic cost—sum a crores a sim bei,zaanglou tampi tum mang, Human cost—khua tampi tum mang,nehsuina tha pat ngai, Ecological cost-lei hoilouna tun in,gam 15,000Ha a lian bang ki chaan hi.Asuh siat gam teng a sum a sim in Rs.94 crores abei.Manipur government in ipu/pa gou Rs.94 crores ahingla pia .! Impact assessment umlou in a haute hau deu deu in a zawngte zawng deu deu ding hi.(15,000Ha let dan tua tup gam teng chia phial ahi)

Khopi mi leh asuh kha lou khuo ten Tourist resort center hoitah hi a mun tuam apan mitten hing en ding a sum mu na hoitah hi ding,nga matna ding,electrict meivah kining ching ding,tuidawn ding kisam lou ding adang hamphatna tuamte mukal ngala in um uh.LOTAK MULTIPURPOSE PROJECT zaw ahi chiang a Manipur a electrict meivah hasatna um nonlou ding achi un, lotak project zaw ahi toh kituah in kum tamtah Manipur in athei ngei lou leh tuakha lou Load sheeding hing kipan hi.Khugadam zong tam Lotak project abah kha ding zau huai hi. Khugadam sang a sum tawmzaw sengna Bio-diesel plant(Singdol apat) bawl thei ahi.Tua zia in Khugadam pen “Badly plan costly project ahi”. Public awareness tasap zia ahei gam nelsia zia,ahilou leh ei angma khual na a tam bang a khotaga a neilou ten anei le lam achan a gen thei athua uh; I politician ten zong ngaidan tha nei a,zodawn maban sautah a et uh dei huai hi. Project hoizaw bawlthei ahi dan mipi ten politiciante kung a gen hunta hi.Khopi a pawlpi tuam tuam umten zong ei hamphat na dia genthei thua zodawn a imite maban ding khual a buaipi hunta hi.

IFCD,TD & Hills Transport minister pa gen dan in 2005 in Rs.2.5 crores Dag chitha neite(ama hapan na zia in) tanpha panpina pia in um;Tam compensation rule huamkha lou chin gen hi,a hoi hi. Hinanleh asuhkha khua tamtah ten hitui-naptui toh khugadam tui khang en uhi.Tam solkar in compensation apiate u apeina(route) hoitah a etpia a,khotaw a mitaga pa/nu in zong solkar panpina amu diing bang a amu theina dia panla kisam hi.Compensation mawng mawng Rs.6.75 crores(4.2 crores in 1992 & 2.5 crores in 2005) ki hawmkhe ta hi.

Hinanleh Vahnu`n compensation a nu le pan amulam thei kha nailou, a lawmte Ngai leh Hoikim nu le pa in Rs.1,500 amu uh hing gen hi.Manipur government in 2006 december beima a Rs.3000 pia din chiam hi.Hinanleh Ngai le Hoikim ten Rs.1,500 mu uh (??). Betty te khua Phaibem ah Inn 13 tui in tum a nanleh govermnet record dan in inn 8 pha hi.Tam government record na a inn 8 teng in panpina mu ding uaadang inn 5 vanute loi in mulou ding dan u ahi.Tua zia in khosung mitten hawmsiam in hawmvual ua mi khenkhat in Rs.3000 lah a Rs.1,500 amu uh ahi;Tam government record pen 1992 a la lehrecord zahden ahi. 1992 in government in inn 750 suhsiat din chiamte ua tun lah inn 1000 val suh siat in um ta chi uhi.

O.Ibobi chief-minister leh a party ten 2006 a Khugadam ava pha un “Innsuan in Rs.3000,anntang bag khat,CGI sheet(Laangva) bundle 5 chiat muding”chin zinpah va chiam a December ha bei ma a pia din chiam.Tun lah December ha `The end` ta. Mi pawlkhat in CM pa zinpa munan uleh atam zaw ten “Dam action committee(DAC) ten khugadam nasepna toh kisai a kiphinna anei u leh a BAN bawl u atawpsan hun un compensation mu ding “ chin Manipur government in gen hi.Tuazia in tam khotaga ten panpina amu hun ding u gen thei hilou hi.

Sawt pat in affected area committee(AAC) ten Thoubal Dam in asuhkha mipi ten panpina amu bang u:compensation pe din government na sual uhi.Hunsawt nailou in Guwahati High court in Manipur government kung a Thoubal ate panpina mu bang pe din thupia in sawl uhi. Hinanleh a lungziin huai khat Thoubal aten Pucca patta lai nei uh; tam guwahati High court in pucca patta holder mi 200 te kunga compensation pia ding huam kha giap hi.Tam in Vahnute khosung a anei zoudeu pucca patta neite in compensation muding ua,Bettyte leh amau`n mulou ding uhi.Vahnu leh ama u bang a mi aneiloute adin tam Guwahati High court thusua order pen phatuam lou sua hi. Compensation mu ding te ahun kikhel nan leh atui kiching in khang lam anawt zing.

Tua chin 2006 guazuh hun(monsoon season) in atui kiching pan a,Khuga Dam tuizin in khua 17(17 villages) tum mang a,huan a haichite tum siang in naupangte schoolte tum inlekha sim thei lou ua,sum le pai,ne-le-tah lungkham pum in Vahnu ten huipi-guapi nuai ah akeeng uh tui in tum pum in a innte u phet in thousi thouvai nuai gial le vot lah a mialna,kaana tuipi nuaisia in lungziin na bawh-inn neu zuan in lam zawt uhi.Hasiatna mit tui toh government in abawl grouping center sung ah Vahnu’n ahinkho tha zah hing pan hi.

Tam Vahnu hinkhuo zah dan ka mit un kamu un,bangma thei lou naupang agen thei dante mu in,Vahnu phat dan,nunnem dan, school,biah-inn um ding te adei dan mittui kai pum a agente ka loipan thei in “Vahnu ka zii din kava hel ding” chin Bus apat in hing kum khiat san hi.

Akaana te u ngai pia in zahpia un………..solkar in buaina hasatna apia sap sap din Gujarat a Ahmedabad a Narmada Andolan bachao te toh a compensation mu u akikhe talua,Thoubal project ate be hileh mo