By:Hausienmuan Munluo
Red shield Hotel luitah Gateway of India Mumbai gei ah,alunbe lou khualzin mite zintunna um hi.Tam Redshield inn a khualzinte security ten a ven a ngeina ahisih: Hinanleh tam hun a marzin mi 110 numei naupang pang a pindan sung(dormitory) akikhumte,private security Israel apat guard ten pilvangtah in enkai un veng uhi.Tam meltheilou marzinte pulangmi te toh akihou ding uh phal hilou. Tua bang lai in gintat loupin tangvalni a pindan sung ua pat pawt doh in Mumbai a Coloba veng ah hing va doh uhi.Marzinte tanchin theinuam in journalist te phe lep lup ua tangvalnite delpai in houlimpi uh; Tuachin pawtdohna thupi thei khiat in um hi. Tam marzinte Jews sakhuo pomtha Mizoram apat India taisan a Israel zuan ding ahi uhi.Aza a simten Israel na zuanta ua,atamzaw ten hing zotbe zing nalai ding uhi.
Tam potdohna Bc.721 in na kipanta hi.Assyrians ten Israel na sim in sua-le-sal din Israel nam sawmte na pui ua,tam nam 10te Assyrian apat taikhia in khovel kawl ningli ah taiza in a sulnua u suithei lou din mangthang uhi. Hunsawt tah akhang khang in amaute kam agen thaw(Oral) tangthu leh Jewste khangthubu a bang in nam mangthang 10te chin thei higiap uh.
1981 apat in North-east a thilsuimi(Researcher) ten tam nam 10 mangthangte lah a namkhat Bnei manaseh(Hebrew ham in “pasian tate”) leh North-east singtang mite hingzop khawm pan ua,Bnei-menaseh hale suante ihi chin pawlkhat in hingtang koupi uhi. Tuachin 2004 kum in Kolkata`s (Calcutta) central forensic science laboratory ah DNA test bawl in um a, tam DNA test in North-east singtang mite`n indirest link(tangtah a kizop lou na) Israel gam aJewste toh nei u chi mukhia hi. Kumkhat zou in Israel a Jews sakhuo lamkai liankhat (Clergyman) in Bnei-menasehte “Jewish mi ha leh suante ahi uh chin theipina na bawl pan in September 2005 in mi 218 Jews sakhuo adin pomna na bawl hi. Tua zou a kipan North-east ah sakhuo hehna/Jews sakhuo a lutna hingkhang hi. Israel solkar policy “Jews mi inn zuan ut te kipahpi zing leh lamdoh zing a phal ahi uh” tam phalna leh agam hausatna in mite hip a, tam in Bnei-menaseh a um a Israel zot ding lunggulna mite lungsim ah piangsah hi. Hunteng in Israel zuan din Mumbai ah tam North-east gam a Manipur,Mizoram leh Nagaland apat singtang mite leenglut zing uhi.
Tam pawtdohna toh kisai in India solkar in gen-le-sah nei sih nanleh November 12.2005 ni a Israel newspaper minthang “Haaretz” in thusua ahing bawlna in India phualpi vaihawmte lungsim hing tahlang hi. Tam Hareetz in thusua abawlna ah “ November 2005 habul lam a Bnei-menaseh mi 812 Israel zuan a peisawmte la/paw ding a hing kuan sawm Israel airlines(Vanleeng) Indian civil ministry in India gam a leenglut ding phalna apesih” chin gen hi.
Bnei-menashe te potdohna in a sakhuo masa uh Christian sung a denomination tuam tuamte adiah in Presbyterian hattuam su liing pha hi. Upa Zonunmawia, co-ordinator Mizoram Presbyterian church in a genna ah “tam pawtdohna thu ah kakipa sih uh,amaute abawn un Presbyterian hisih nan uleh denomination tuam tuam apat ahi uh.Amauten Israel a lunggul na uh sakho thu zia sang in nele-tah(economic) buaina zia ahi zaw” chin gen hi. India a mipil tamzawten zong “tam Israel in khangthu pansan a a gam zawng a nam mawlte pilkhel tah a zop a a suikhiatna uh bangma dang ahisih “ na sep kidah huai na neu sep aheite Israel mi hausaten asep nuam loute uh sem ding a deina zia ahi,chisel uhi. Azriel Hmar kum 36 a upa ,Red shield inn a journalist ten ahoupilai un “kanu lehpa ten Israel ka zot ding uh ahing kipapi sih uh,kei a ding a si le hin kikaal(ne suina lam a) ahi. Israel anesuina anopzawkhaleh chi deina a pemlut sawm kahi. Aman agen zelna ah, India kanu gam ahi in tun Israel kappa gam zuan a pei kahi” chin journalist te mai ah gen hi.
India a kolpil ten “Hindu sakhuo zui Indiami(Kolte) zong sum dei zia in siamna sangtahneite IT professionalte bang Doctor siamtah tahte bang Jews ahei Judaism pomlou in Israel ah pemlut thei uh.Tam North-east singtang mitten bangma siamna(skilled) pilna poimote anei sih un,amaute nasepmawl/niam sem ding a dei ahi ziamai a Israel mi chia poma lalut hi uh “ chin gen uh. India solkar phualpi vaihawmte tam pawtdohna thu ah asip(silence) hi.India constitution danbupi in “Freedom of religion leh freedom of choice” chite apeipi himaleh a lungsim a kipahpilou chi Israel solkar in thei in “tam sakhuo hehna(conversion) leh pawtdohna toh kisai bangma kathei kha sih uh tam tawpsah ding leh khamdai ding a panla kahi zaw
uh,bangma gen ding kathei sih “chin Lior Winetraub, New-Delhi a Israel embassy a thupuangtu(spokeperson) in gen hi. Hinanleh Redshield inn Hotel a semten “tam mar zin 110 Bnei-menashete zintunna ding bangkim Israel consulate ten abuaipi uh,guard zong consulatete pia ahi”chin journalist te hil zel uhi.
Journalistte leh tua Bnei-menashe tangvalnite ahoulim lai guardte thakhat in hingdim in umkual ua,mittol pimpem in en in Redshield Hotel sung a puilut huai uhi> Midang Bnei-menashete 115 hinglut be pai ding chin zintunna ding khamsa in Redshield hotel ah koi uhi.Tam pawtdohna a pang ten Israel a abet e uh Bnei-menashe mi 800 val Manipur,Mizoram leh Nagaland apat na pemlut sate toh khosa khawm ding uhi.Tuachin Israelites (tate) ahita ding uhi.
Israelites kichi bang e?
1900 B.c hunlai vel in Jacob cannan mipan ta pasal 12 Reuben,simeon,Levi,Judah,zebulun,Issachar,Dan Gad, Asher,Naptali,Joseph leh Benzamin na nei hi. Tam mipan a min Israel chin a heng. Jacob(Israel) ha leh suan nam 12ten cannan gam se 12 in kihawm uh.Aleengte lah ua thupi leh pilpen Solomon si nua in Israel phelni kisua in Mallam(northern) leenggam “Samaria” leh Simlam(Southern) leenggam Judea in kikhen a, Judea gam a mite `Jews’ chin hat in um uh: Hinanleh Israel chin tangpi hanta minpua uhi. Igen menashe te tam Samaria gam ah na teeng uhi. B.C. kumzabi 8 lai in mallam lenggam pen Assyrianten na sim in Israel nam 10te sua le sal din na pui;Amaute Israel a kinuale nonlou ahi zia un nam mangthang 10te chin theikha higiap uh.
Nam 10te India leh Myanmar ah:
Rabbi Eliyahu Avichail,President Amitshav( Jerusalem a Israel solkar in nam mang 10te suikhe ding a aphukhiat pawlpi) in tunai in Myanmar (ei ham a Burma ) ah menashe nam kichite suichian din leenglut hi. Tam Burma a te mual leh tang dungte ah teng in India leh Myanmar ah milip 1-2 million khosah uhi. Tam Menashe te Chinese te toh na kiteeng(Inter-marriage) zia un Chinate melsun uh,A tawndante uh a et khiat nua in Rabbi pan Israel tate ahi uh chin pomdet pai hi.
Menashe mite gen dan in 722 B.C in sua in Assyria ah na um ua,607B.C in Assyria,apat Babylon leengpan na pui in sua in zang ua,Persia ten B.C 457 in Babylon apat na pui in;tuana pat Greece te leengpa thupi Alexander in sua din Afghanistan ah B.C 331 in napui hi.: Afghanistan apat in tumlam,sualam,marlam,simlam ah ki thethang in khenkhat Tibetan-chinese border apat in “Wei luidung zui suh in central china,Kaifeng gam ah na khosa uhi.Kaifeng gam a akhosah hun uhkhu B.c 231 ahi. China kumpi pan tam menashe mite na bawl sia in taiza ua,muntuam gamtuam ah kikhen za zel uh. Tam ataiza lai un Sinlung/khuul ah na khosa pawl zong um uhi. Khuul a pat hing pawt khia un Thailand , Myanmar leh India a Mizoram leh Manipur ah hing khosa uhi.
Menashe nam ihi ka chi ngam sih ihisih zong kachi ngam sih hi.khovel mipilleh theina nei tam tah in ana gel uh laibute apat lakhawm a kahing gel ahi. Tua ban ah tunitan in China gam a eimi mel-sun, ipu/pa tawndan kibahna tamtah nei Menashe kichi “ Kaifeng szechuan(china) ah um uhi. Tua leh Japan , Thailand lah a zong Menashe te um uhi. Hunlem ah Secret Exodus-II zopatong in agen peih nalai leh Japan leh Thailand gam a Menashe te I houlim ding uhi.
No comments:
Post a Comment